Sendratari Ramayana inggih punika wantah silih sinunggil lelampahan sane wenten ring Nusantara, sakadi ring Yogyakarta miwah ring Bali. Lelampahane puniki nyatwayang indik sapamargin Sapta Kanda utawi Wiracarita sane pinaka itihasa Ramayana[1]. Ramayana pinaka Adikavya inggih punika kakawin sane pinih utama samaliha Ida Bhagawan Walmiki pinaka adikawi, inggih punika pangawi kakawin sane pinih mautama. Satuane puniki ngalampahin indik pamargin Rama rikala nyalantara ring jagate pinaka Sang Hyang Hari, pamekasnyane ring Bharatawarsa. Sane katah kasolahang ring ajeng wantah ritatkala Sang Rama Dewa pinaka pragina utamane ngarereh Dyah Sita pinaka stri Idane ring Taman Angsoka, Alengka Pura rikanjekan prameswari ida karebut olih raksasaraja, inggih punika Sang Dasa Muka sane katah kaparab Rahwana. Makaeh tetuek sane prasidha kaambil ring lelampahane punika, napike tatuek agama, adat istiadat, sosial, politik, miwah sane tiosan.
- ↑ Shastri, Hari Prasad (16 September 2021). "Ramayana of Valmiki". https://www.wisdomlib.org/. Kaaksés 12 Maret 2023. Check date values in:
|date=(help); External link in|website=(help)